本週是 2025 年 9 月的第 3 週，
週末為 9 月 20 日（六）
及 9 月 21 日（日）
（期間：2025-09-20 至 2025-09-21）。
地點：吳園
日期：
2025-09-20 至 2025-09-20
「你一定去過真濟種遊樂園，毋過你捌去過攏是台語的遊樂園無？」
「佇遮，咱做伙耍、做伙開講，上要緊的是──攏用咱家己的話！毋管你的台語講偌濟，攏免驚，來遮就輕鬆開喙講、輕鬆𨑨迌、輕鬆學台語！」
✨【臺南臺語月】主戲來囉！9/20（六）下晡三點半到六點半，佇吳園外埕，欲舉辦台語遊樂園。這擺邀請親子共學團體合作，設計13个趣味擔仔位：有北管音樂會當聽閣會當試，嘛有台語故事講予你聽，閣有一寡名予人聽著霧煞煞的擔仔位，像「台語樹奶糖」、「雄雄入厝夯七寶」、「歹物仔緊走」、「好山好水好風水」……欸？到底攏咧做啥物咧？🤔 欲知詳細，就請你直接來現場體驗！
現場只要通過6个擔仔位就有袋仔通提，完成7个擔仔位，會當參加網版印刷體驗，通過全部13个擔仔位，閣有機會得著臺語月活動衫，數量有限，欲參加愛緊喔～
🍀「臺語闖關趣」嘛有限定驚喜！其中的「福仙」神明圖，就kan-nā會佇台語遊樂園出現，想欲收集一定愛來！保證福氣滿滿、平安順利規年迵天。🎁 另外，「台語闖關趣」的獎品兌換，嘛會佇活動彼工現場服務台進行，會記得紮你的神明圖來換禮物，趕緊來喔！
🍀 現場嘛有文化部的台語家庭計畫，歡迎逐家做伙註冊台語家庭、只要用網路註冊碼「TCASCL」，就會當閣提著 50點 Line Point！，加入台語家庭，予「咱的話，蹛佇生活內」。
＃臺南臺語月 ＃臺語入厝 ＃臺語遊樂園 ＃親子共學 ＃臺語闖關趣 ＃台語家庭計畫
